Холандскиот фудбалер со мароканско потекло Анвар Ел Гази пред неколку дена доби отказ во Мајнц поради јавната поддршка за Палестина, а сега се одлучи преку суд да си ја бара правдата.

„Ова не е војна, ова е геноцид. Од реките до морињата, Палестина ќе биде слободна“, објави Ел Гази по што следнуваше суспензија од германскиот клуб кој неколку дена подоцна и го отпушти.

Сега следуваше очекувана реакција на фудбалерот кој според информациите на германски „Билд“ одлучил да го тужи германскиот клуб.

Ел Гази веќе поднел барање за заштита од отказ до судот во Мајнц и според информациите првиот чекор ќе му биде барање Мајнц да ги открие точните причини за раскинувањето на договорот.

Потоа ќе се утврдува дали раскинувањето на договорот е оправдано или клубот претерал со реакцијата. Договорот кој го има Ел Гази со бундеслигашот е вреден 2.5 милиони евра.