В сабота најдобрата македонска фудбалска репрезентација против Лихтенштајн во Вадуц ќе го почне настапот во квалификациите за пласман на Светското првенство во 2026 година.

Подготовките и атмосферата во националниот тим се далеку од вообичаената натпреварувачка еуфорија по големата трагедијата што се случи во дискотеката во Кочани во која животот го загубија 59 лица.

Нашите најдобри фудбалери ќе го играат овој меч во црни дресови како знак на почит за жртвите од трагедијата во Кочани.

Инаку овој натпревар ќе се игра од 15.00 часот, а истиот ќе го суди Украинецот Виктор Копиевски.