Познато е дека на фудбалерите им е забрането да се обложуваат, но европската куќа на фудбалот УЕФА си најде позната компанија за спортско обложување, Бетано, да и биде спонзор?!

Бетано обезбеди глобален спонзорски договор за УЕФА Евро 2024, што ќе се одржи во Германија.

Овој оператор во сопственост на Каизен гејминг стана првата обложувачка компанија која склучи партнерство со УЕФА.

Договорот следи по успехот на Бетано на минатогодишното Светско првенство на ФИФА што се одржа во Катар, кое исто така беше спонзорирано од оваа компанија.

Неодамна италијанската фудбалска федерација го суспендира фудбалерот Сандро Тонали на 10 месеци затоа што се обложувал на мечеви…

Во мај 2021 година УЕФА го казни Златан Ибрахимовиќ со 50.000 евра затоа што ги прекршил правилата на оваа организација и имал финансиски интерес во обложувачка компанија.