Италијанскиот гигант Милан е во потрага по засилување во средниот ред, а на врвот на листата на желби се најде Ардон Јашари, фудбалер на Клуб Бриж кој има македонски корени.

Јашари е роден во Швајцарија, но неговите родители потекнуваат од Македонија, што му овозможува да поседува и македонски пасош. Милан сериозно го разгледува како потенцијална замена за Тијани Рејндерс, кој неодамна направи трансфер во Манчестер Сити.

Иако претходно „росонерите“ беа поврзувани со имињата на Гарнит Џака и Хави Гвера, конкретни чекори не беа направени, па фокусот сега е насочен кон Јашари.

Според новинарот Саша Таволиери, Милан е подготвен да понуди 27 милиони евра плус уште три милиони во бонуси за фудбалерот кој минатата сезона беше прогласен за најдобар во неговиот тим.

На репрезентативен план Јашари веќе дебитираше за националниот тим на Швајцарија и тоа пред две години против Чешка во натпревар од Лигата на Нации.