Контејнер со еден и пол тон кокаин, кој пристигнал со брод од Еквадор, е откриен во пристаништето во Санкт Петербург, а вредноста на пратката на рускиот црн пазар се проценува на повеќе од 238 милиони долари, објави Федералната служба за безбедност на Руската Федерација (ФСБ).

Како што е објавено, ФСБ, во соработка со Федералната царинска служба на Руската Федерација, спречила операција за шверц што вклучувала испорака на особено голема пратка кокаин од Латинска Америка во Русија по море.

По истрагата на информациите добиени од странски партнери, на 29 август 2025 година, 1.500 тули што ја содржеле наркотичната супстанца кокаин биле откриени во контејнер што пристигнал со товар банани на бродот „Кул Емералд“ од Република Еквадор до пристаништето во Санкт Петербург.

Вкупната тежина на наркотичната супстанца била 1.750 килограми, вклучувајќи ја и амбалажата, се вели во соопштението.

Прецизирано е дека проценетата вредност на запленетата серија дрога на црниот пазар надминува 238 милиони долари,

„Во моментов се спроведува комплекс од оперативно-истражни мерки и истражни дејствија, насочени кон идентификување и апсење на сите учесници во трговијата со дрога“, додаде ФСБ.