Тејлор Фриц обезбеди место во полуфиналето на турнирот во Токио, совладувајќи го Себастијан Корда со 6:3, 6:7 (5-7), 6:3 во меч со висок интензитет. Со оваа победа Американецот повторно ќе се искачи на четвртата позиција на АТП-листата, потиснувајќи го Новак Ѓоковиќ на петтото место.

риц изјави дека верува во својата способност да ги победи најдобрите, но нагласи дека вистинската потврда ќе дојде со освојување на гренд слем.

„Веќе извесно време знам дека можам да ги победам најдобрите ако играм на врвно ниво. Победите над Карлос и Зверев на Лејвер купот ми дадоа дополнителна самодоверба. Мој најголем сон е да освојам гренд слем, тоа е следниот чекор за да бидам постојано на нивото на Алкараз и Синер“, изјави Фриц.

Во полуфиналето тој ќе се сретне со својот сонародник Џенсон Бруксби, кој го совлада Холгер Руне со 6:3, 6:3 и стигна до своето десетто полуфинале во кариерата.