Француските затвори се блиску до „точката на експлозија“ поради преоптоварување на капацитетот, предупредија денес директорите на затворите, објавија француските медиуми.

Во соопштение за медиумите, тие ја повикаа владата да усвои „вонреден акционен план“ во врска со овој проблем, објави парискиот „Фигаро“.

„Денес, во општеството враќаме луѓе кои се потенцијално поопасни отколку што беа кога беа уапсени“, се наведува во соопштението на Националната унија на директори на затвори (CFDT).