Членовите на долниот дом на францускиот парламент денеска го одобрија нацрт-законот за легализирање на евтаназијата, отворајќи го патот на земјата да стане најновата европска нација која ќе им дозволи на смртно болните да го прекинат својот живот, објави Ројтерс.

Предлог-законот се очекува да биде усвоен во Сенатот, а анкетите покажуваат дека повеќе од 90 отсто од Французите ги поддржуваат законите кои на луѓето со неизлечиви болести или бескрајно страдање им даваат право да умрат.

Францускиот претседател Емануел Макрон го нарече гласањето во Националното собрание „важен чекор“.