Штрајк на автошколите е закажан за денес во Франција, а според француските медиуми, се очекуваат околу 3.000 автомобили на Плоштадот на Републиката во Париз.

„Автошколите се мобилизираат за да го изразат своето незадоволство против недостатокот на места за полагање на возачки испит, што ги принудува учениците да чекаат со месеци, иако постојат соодветни решенија“, изјави еден од инструкторите по возење за парискиот весник „Ле Фигаро“.

Традиционалните автошколи се повикани да штрајкуваат и да собираат возила напладне на Плоштадот на Републиката во Париз.

„Професионалните организации што ги претставуваат автошколите, исто така, ќе побараат состанок во Премиерската палата во Матињон“, потврди Патрик Мирузе, раководител на мрежата на автошколи ECF и претседател на Unidec, еден од синдикатите што стојат зад протестот.