Еден од затворениците со најдолг отслужување на затворска казна во Франција, пропалестинскиот либански „борец“ Жорж Ибрахим Абдала, беше ослободен денес по повеќе од 40 години затвор и депортиран.

Абдула, кој сега има 74 години, беше осуден на доживотен затвор за атентатот во 1984 година врз двајца дипломати во Париз, американскиот воен аташе Чарлс Роберт Реј и израелскиот дипломат Јаков Барсимантов.

Апелациониот суд во Париз неодамна нареди негово ослободување „со сила од 25 јули“, под услов да ја напушти француската територија и никогаш да не се врати.

One of France’s longest-held inmates, the pro-Palestinian Lebanese militant Georges Ibrahim Abdallah, was released from prison and deported on Friday, after more than 40 years behind bars for the killings of two diplomats. https://t.co/FYObgEIX56 pic.twitter.com/M68SkBA55L

— AFP News Agency (@AFP) July 25, 2025

Денес во зори, конвој од шест возила го напушти затворот Ланемезан, транспортирајќи го Абдала. Неколку часа подоцна, тој се качи на авион што се упати кон Либан.

Затворениците кои отслужуваат доживотна казна затвор во Франција обично се ослободуваат по помалку од 30 години.

Иако Абдула има право на условна слобода од 1999 година, неговите претходни барања беа одбиени, а САД – како политички тужител во случајот – цврсто се спротивставија на неговото ослободување.

Кој е либанскиот борец?

Жорж Ибрахим Абдала е основач на Либанските револуционерни вооружени сили (ФАРЛ) – долго распуштена марксистичка антиизраелска група.

Сепак, од затвор, тој изјавил дека повеќе од четири децении продолжил да биде „борец во борбата“.

Семејството на Абдула изјави дека планираат да се сретнат со него во „ВИП салонот“ на аеродромот во Бејрут пред да се упатат кон нивниот роден град Кобајат, во северен Либан, каде што е планиран прием.