Ракометната репрезентација на Франција е новиот шампион на Европа, откако во финалето на Европското првенство во Германија 2024 одиграно во „Ланксес Арена“ во Келн ја совлада Данска по продолженијата со 33:31.

Тесното прво полувреме заврши нерешено (14:14), а по паузата Данците направија серија од 3:0 и поведоа со 17:14. „Триколорите“ не се предадоа, го израмнија резултатот и потоа минимално поведоа на седум минути пред крајот на дуелот (25:24).

????#ehfeuro02024 #heretoplay #FRADEN pic.twitter.com/br0yGsMCgt

— EHF EURO (@EHFEURO) January 28, 2024

Скандинавскиот тим направи пресврт за 26:25, а финишот од мечот донесе нови возбудувања. Данска имаше напад со минимална предност од 27:26, но избраниците на селекторот Николај Јакобсен ја загубија топката, па Лудовик Фабрегас во контранапад погоди за израмнување, 27:27. Данците не го искористија последниот напад и натпреварот за златото отиде во продолженија.

Додатните 10 минути донесоа нова драма, кај Французите конечно проработе Дика Мем, кој ги постигна првите голови во второто продолжение и им донесе позитива на Французите од 31:29 и истата не ја испуштија до крајот. Кога Лен погоди во последните секунди за 33:31, немаше веќе време за Данците да сторат нешто повеќе и беше јасно дека Франција ќе биде победникот.

??????????????? ?? ?????? ???#ehfeuro2024 #heretoplay @FRAHandball pic.twitter.com/8GIy3weCqx

— EHF EURO (@EHFEURO) January 28, 2024

Микел Хансен беше најефикасен во данската селекција со девет голови и воедно стана најдобар стрелец во историјата на европските првенства. На спротивната страна осум пати во листата на стрелцте се запиша Лудовик Фабрегас.

Тоа е четврта европска титула за Французите, претходните три ги освојуваше во 2006, 2010 и 2014 година. За Данска ова е второ сребро, претходно второпласирана беше на континенталниот собир пред 10 години. Следното Европското првенство ќе се одржи во 2026 година во три земји: Данска, Норвешка и Шведска.