Средните училишта на скопскиот плоштад со понуда за полуматурантите.

Што се нудат средните училишта полуматурантите можат да видат на едно место на скопскиот плоштад денеска до 18 часот, а утре тука училиштата со своите штандови ќе бидат од 11 до 15 часот.

На секој штанд имаше ученици од училиштата, а идните средношколци можеа да им поставуват прашања околу смеровите.

Од Средното училишта „Димитар Влахов“ правеа фризури на лице место.

А од Средното училиште „Кочо Рацин“, пак оддржаа модна ревија.

Инаку градоначалничката на Град Скопје, Данела Арсовска денеска на Плоштад Македонија ја отвори манифестацијата „Саем на средни училишта на Град Скопје“, кој се реализира за првпат.

„Горди сме што имаме 23 скопски средни училишта кои продуцираат квалитетни, добри, професионални млади кадри и кои понатаму се успешни во нивниот кариерен развој. Ги охрабруваме учениците, кои се нашата иднина, како и наставниот кадар, професорите, директорите, кои се залагаат нашите средношколци да бидат што е можно подобри, да продолжат со одличната работа и резултати. Нашите скопски средни училишта воведуваат нови, иновативни образовни профили кои се според потребите на пазарот на труд, а во насока на развој и унапредување на образовниот процес за идните млади професионалци. Истовремено, скопските средни стручни училишта се лидери во Македонија во поглед на стручното образование кое е се атрактивно за улениците, рече Арсовска.

Во рамките на Саемот, кој се одржува на 17 и 18 мај, идните средношколци и нивните родители имаат одлична можност да остварат непосредна комуникација со наставниот кадар и стручните служби на училиштата, да се запознаат со различните наставни и воннаставни активности, како и со образовните струки и профили кои ги нудат. Во рамки на манифестацијата за посетителите на плоштадот Македонија имаше музичко забавна програма во изведба на талентираните средношколски музички бендови и солисти, како и настап на фолклористите од ДКЦ Карпош.

Подолу погледнете ги и останатите видеа и фотографиите од атмосферата.