Највисоката и најниската жена во светот се сретнаа на попладневен чај во Лондон за да ја прослават 20-годишнината од Денот на Гинисовата книга на рекорди. Видеото од нивната интересна средба го објави Гинисовата книга на рекорди.

Румејса Гелги, 27-годишна турска веб-програмерка и индиската актерка Јоти Амге (30), размениле приказни и животни искуства за време на нивната средба во хотелот „Савој“.

Гелги, турски научничка и правник, е висока неверојатни 215 см. Од друга страна е Амге, индиска актерка, е висока не повеќе од 63 сантиметри.

„Беше прекрасно да се запознаам со највисоката жена на светот. Таа е толку добродушна, што се чувствувам многу удобно со неа“, рекла  Гелги и додала дека таа и Амге имаат многу заеднички работи.

„И двете сакаме грижа за себе, шминка, нокти и накит“, рекла таа.

Необичните пријателки продолжиле да разговараат и да пијат чај. Дуото ја доби титулата икони во јубилејното 70-то издание на Гинисовата книга на рекорди.

„Никогаш не мислев дека ќе ме наречат икона, а особено ми е драго што тоа се случи во 70-тото издание на Гинисовата книга на рекорди. Не можам да опишам колку сум среќна“, изјавила Амге.

„Да се ​​видам себеси меѓу сите оние уметници и спортисти на кои отсекогаш им се восхитував – тоа е чувство што не може да се опише“, рекла воодушевено Гелги.

Според Гинисовата книга на рекорди, Гелги на 17-годишна возраст е прогласена за највисока тинејџерка во светот, а во 2021 година е потврдена како највисока жена на светот. Од друга страна, во 2009 година, на 15 години, Амге беше прогласена за најниска тинејџерка, а во 2011 година беше потврдена како најниска жена на светот.

Гелги има ретка состојба наречена Вивер синдром, која предизвикува брз раст и скелетни деформитети. Таа е всушност само 27-от дијагностициран случај во светот и прв таков случај во Турција. Додека пак Амге, која ја играше улогата на Ма Петит во американската ТВ серија „Американска хорор приказна“, има форма на џуџест раст наречен ахондроплазија.