Популарното американско списание „Пипл“ секоја година избира „Најсекси маж на годината“, а оваа титула ја доделува на згодни познати личности уште од далечната 1985 година.

Според „Пипл“ и неговите читатели, актерот Патрик Демпси (57) е најзгоден маж за 2023 година.

„Многу ми е драго што ова се случува во овој период од мојот живот. Убаво е да се добие ова признание, а и малку го крена моето его, но ми даде платформа која можам да ја искористам за нешто позитивно“, изјави Демпси, кој ќе ја краси насловната страница на „Пипл“.

Такво нешто е центарот „Демпси“, кое тој го формираше по смртта на неговата мајка и е место за поддршка на оние кои се соочуваат со канцер.

Многу важен дел од неговиот живот е и неговото семејство – сопругата Џилијан (57) и нивните три деца, 21-годишната ќерка Талула и 16-годишните близнаци, синовите Суливан и Дарби.

Кога првпат дознал дека е прогласен за најсекси маж на годината, тој бил целосно шокиран.

„Јас бев целосно шокиран, па почнав да се смеам. Си реков: ‘Ова е некоја шега, така?’ Целосно заборавив на тоа и никогаш не ни размислував да бидам на оваа позиција. Значи, моето его е добро“.

Што се однесува до тоа како неговите деца ќе одговорат, Демпси вели: „Тие само ќе ме исмејуваат и ќе ми ја посочуваат секоја причина зошто јас не треба да бидам (најсекси маж на годината. Што е добро, тие ме одржуваат млад“.