Aрхеолозите секојдневно не наидуваат на совршено сочувани примероци на историско оружје, особено на стари речиси два милениуми. Но, токму тоа се случи во Израел, во близина на Мртвото Море, пишувa „Ројтерс“.

Израелските научници дојдоа до неверојатно откритие во пештера во близина на Мртвото Море. Тие пронајдоа четири совршено сочувани римски мечеви, чии железни сечила се долги 60-65 см , а за кои се верува дека биле користени во битките пред 1.900 години.

Тие биле пронајдени во речиси недостапна пукнатина од пештерата, од тим археолози, кои фотографирале древен натпис на сталактит.

„Тие римски мечеви најверојатно биле „плен“ скриен од бунтовниците од спротивставената фракција, која била во опасност да биде фатена како носи римско оружје. Се работи за исклучително ретко откритие, кое досега не е пронајдено Израел.“, вели Ејтан Клајн, еден од директорите на Истражувачкиот проект за јудејска пустина.

Ели Ескусидо, директор на израелската управа за антиквитети, вели дека мечевите се толку добро сочувани и остри како да биле скриени токму денес.

Сокривањето на мечеви и пилуми во длабоки пукнатини во изолирана пештера северно од Ен Геди укажува дека оружјето било земено како плен од римските војници или од бојното поле, и дека јудејските бунтовници намерно го криеле за повторна употреба.

Археолозите исто така, истакнаа дека е можно оружјето да било скриено во времето на бунтот во Бар Кохба во 132-135 година п.н.е., но треба да се  извршат дополнителни истражувања, за да се утврди кој го поседувал оружјето, каде е изработено и во кои историски настани можело да биде употребено.