Пејачот Павле Камилоски и планинарката Ирина Камилоска (поранешно Дишовска) му направија крштевка на синот во Галичник, а потоа и прославија со најблиските.

Да потсетиме, тие го изговорија судбоносното „да“ во февруари минатата година, а неколку месеци подоцна, на 18 јуни, нивното семејство се прошири со синчето Јосиф.

Сега Камилоски споделија фотогафии од овој убав семеен настан на своите профили на социјалните мрежи.

„Вечно нека ти е името синко мој“, напиша пејачот на една од фотографиите.

Исто така, тие споделија и снимки од веселата прослава, која била пропратена со свирачи.