ФОТО+ВИДЕО | Ким Џонг-ун пристигна во Пекинг во „подвижна тврдина“
Препознатливиот оклопен воз на севернокорејскиот лидер Ким Џонг-ун повторно се најде во центарот на вниманието, откако го транспортираше во Пекинг, каде ќе се сретне со кинескиот претседател Си Џинпинг и рускиот претседател Владимир Путин. Ова е прва посета на Кина од јануари 2019 година и се очекува тој да присуствува на воена парада по повод 80-годишнината од крајот на Втората светска војна.
Препорачано
🚨‼️🔥North Korean leader Kim Jong Un is on his way to Beijing to attend China’s Victory Day military parade on September 3, marking the 80th anniversary of Japan’s surrender in World War II.
Kim travels on a special armored train pic.twitter.com/mOyJt8DieO
— MOSCOW NEWS 🇷🇺 (@MOSCOW_EN) September 2, 2025
Возот, кој севернокорејските медиуми го нарекуваат „подвижна тврдина“, пристигна во Кина рано утринава, со Ким и водечки функционери на Работничката партија и власта во Северна Кореја. Со него во Пекинг пристигна и неговата помлада ќерка Ким Џу-ае, за која се верува дека може да го наследи, пишуваат медиумите.
The train carrying North Korean leader Kim Jong un arrived at Beijing Railway Station. pic.twitter.com/a913TqcPO3
— Akin💯 (@ics923) September 2, 2025
Министерството за обединување на Јужна Кореја објави дека возот има непробојно стакло, зајакнати подови и ѕидови отпорни на експлозии, како и противвоздушно оружје. Според јужнокорејски воени извори, возот е опремен и со радарски водени топови, ракетни лансери земја-воздух, па дури и хеликоптер за итни случаи.
Ова ја зголемува неговата тежина, а максималната брзина изнесува околу 56 километри на час, па патувањето до Пекинг, долго околу 1.300 километри, трае приближно 20 часа.
На утрешната воена парада, лидерите на Кина, Русија и Северна Кореја ќе се сретнат за првпат, а експертите оценија дека присуството на Ким и Путин го формализира трилатералниот однос меѓу трите земји пред јавноста.
