ФОТО+ВИДЕО | Хелен Мирен ја прими наградата за животно дело: Го воодушеви светот со својот говор
Големата британска актерка Хелен Мирен која зад себе има остварено бројни улоги во филмови и серии, има долгодецениска кариера, завчера ја прими наградата за животно дело на 28-тата церемонија на САГ наградите во Санта Барбара. Актерката ги воодушеви сите присутни со својот искрен, хумористичен, но длабок говор, како што само таа умее.
Препорачано
-
1
-
2
-
3
ГАЛЕРИЈА | Доделени САГ наградите: Најпрестижните холивудски имиња на едно место, еве ги победниците
„Награда за животно дело, тоа звучи прекрасно! Претпоставувам дека сè уште сум жива, па ги исполнувам условите. Но, искрено, секое мое достигнување е резултат на мојата мантра, која гласи: дојди на време и не биди кретен“, беше советот на Мирен за сите оние кои се прашуваат како да успеат во Холивуд.
76-годишната Мирен на церемонијата блесна во розов фустан, а наградата ѝ ја посвети наградата на нејзините колеги актери. Како што откри, долго размислувала за што да зборува кога ќе ја прими наградата, но сфатила дека најдобро е да зборува за актерите.
„Ќе зборувам за актерите. О боже, каква брилијантна идеја, толку оригинална“, се пошегува Мирен. „Мислам, сакам да размислувам за внатрешноста на кутијата“.
You absolutely DO deserve this ✨ Helen Mirren receives the #sagawards Lifetime Achievement Award pic.twitter.com/SauWG5ynwh
— SAG Awards® (@SAGawards) February 28, 2022
Мирен истакна дека одамна е дел од племето „никаквеци и скитници“
„Вам, актерите, сакам да ви се заблагодарам“, рече Мирен, „за вашата духовитост и вашиот хумор, за сите шеги, сета смеа. Искрено, се смеев цел живот. Вашата посветеност на нашата професија, вашата интелигенција и неверојатна енергија“, рече актерката.
Осврнувајќи се на константната напнатност помеѓу несигурноста на актерите и нивното его, Мирен се присети на времето кога ја играла Федра во театар во Грција.
„Ги почувствував духовите на сите тие антички Грци и скитници“, рече таа. „Се чувствував како едно со актерите. Актери, извинете, вие сте прекрасно племе, кое се протега низ историјата, културата и времето. Ова е за актерите“.
Погледнете го целиот говор на Мирен:
