Една недела откако почина Дејан Милојевиќ, тимот на Голден Стејт каде што работеше го одигра првиот натпревар на домашен терен во НБА лигата.

Вориорси на специјален начин се простија од својот асистент во стручниот штаб. Изминатата вечер тие ја пречекаа Атланта, а пред почетокот на натпреварот се одржа церемонија во чест на 46-годишниот стратег.

“(Deki) is a part of our soul.” pic.twitter.com/u3Og4TwoV5

— Golden State Warriors (@warriors) January 25, 2024

На церемонијата беа присутни и сопругата и децата на Милојевиќ, исто така се интонираше и српската химна. Кошаркарите на теренот излегоа во дресови на кои на задната страна стоеше презимето на починатиот тренер. На местото каде што седеше покрај теренот имаше оставено маичка со натпис „Брате“ и бела ружа.

Warriors players honored Dejan Milojević with jerseys bearing his surname during pregame.

The jerseys were then placed on Deki’s usual seat on the bench. pic.twitter.com/jztsCexVjF

— Golden State Warriors (@warriors) January 25, 2024

„Светот загуби прекрасна душа. Деки беше голем пријател, одличен тренер, голем човек и што е најважно извонреден внук, маж и татко. Сликите зад него зборуваат каков човек бил. Засекогаш ќе остане дел од нашите души. Изрази љубов и радост кои тој ги делеше со секого со кого се сретна. Затоа вечерва, место минута молк, би сакал сите заедно да му дадеме овации кои ќе може да ги слушне на небото“, зборуваше тренерот Стив Кер во својот говор.