Џони Деп повторно се појави во костимот на Џек Спероу, познатиот лик од „Пиратите од Карибите“  и тоа поради благородна причина. Имено, актерот со години ги посетува детските болници во својот познат пиратски костим, а сега ги изненади малите пациенти во Мадрид.

Деновиве, познатиот американски актер престојува во Шпанија, каде што го снима филмот „Day Drinker“ со Пенелопе Круз. Дејството на новиот филм се одвива на јахта. Иако не станува збор за познатиот брод „Црн бисер“ од „Пиратите од Карибите“, тоа не го спречи повторно да го облече костимот на легендарниот пиратски капетан за време на паузата помеѓу снимањето и да ги развесели децата кои се лекуваат во болницата „Нињо Хесус“ во Мадрид.

Децата беа многу среќни кога го видоа актерот, а насмевките ги осветлуваа лицата и на нивните родители и медицинскиот персонал. Тој помина часови разговарајќи со болните дечиња, давајќи им пиратско богатство, фотографирајќи се и исполнувајќи им ја секоја нивна желба.

Ова не беше првпат актерот да направи ваков гест. Џони Деп често ги посетува детските болници во костимот на еден од најпопуларните (и најсмешните) филмски ликови, а сè започна пред десет години, кога неговата ќерка Лили Роуз беше во критична состојба поради бактериска инфекција. Во знак на благодарност, тој тогаш донираше милион долари на клиниката каде што таа се лекуваше.

По подолга пауза, Џони Деп повторно пред камерите – Обожавателите не очекуваа ваква трансформација на актерот