Во близина еден од најпознатите историски монументи во Македонија и главниот град, Скопскиот Аквадукт денеска започна тридневната национална акција за собирање на отпад под името Генералка викенд.

„Генералка викенд“ претставува волонтерска кампања која во текот на наредните денови се спроведува во сите општини низ Македонија, а во неа ќе учествуваат над 20.000 волонтери и 600 организации на повеќе од 500 локации.

На официјалниот почеток на акцијата својата поддршка ја даде и претседателката на Македонија, Гордана Сиљановска Давкова, која испрати апел до сите граѓани да учествуваат во овој масовен екопроект.

Генералка викенд треба да има секој ден во годината, порача Сиљановска-Давкова