Англискиот гигант Челси стана првиот освојувач на ФИФА Светското клупско првенство во новиот формат со 32 екипи, откако во големото финале убедливо го совлада францускиот шампион ПСЖ со 3-0.

Лондонските „сини“ доминираа на теренот и со стил го заокружија својот пат до титулата, а најдобрите индивидуални настапи беа наградени со место во идеалниот тим на турнирот.

Очекувано, најголем дел од најдобрите единаесет доаѓаат токму од двата финалиста, а меѓу нив се најде и ветеранот Тијаго Силва, 40-годишниот дефанзивец кој ги бранеше боите и на двете екипи во текот на својата блескава кариера.

Покрај Силва, во идеалниот тим се најдоа и голманот Боно, дефанзивците Хакими, Маркињос и Кукуреља, средината ја сочинуваат Витиња, Фернандез и Нето, додека во нападот блескале Палмер, Ариас и Гарсија.