ФОТО: Во Еквадор уапсен озлогласен наркобос по повеќе од една година во бегство
Еквадорските безбедносни сили го фатија наркобосот „Фито“, еден од најопасните криминалци во земјата, кој избега од затвор на почетокот на минатата година, објави претседателот Даниел Нобоа.
Препорачано
Фито, чие вистинско име е Хозе Адолфо Масијас, сега е „во рацете на безбедносните сили“, изјави шефот на државата преку Икс.
Para los que se opusieron y dudaron de la necesidad de las leyes de Solidaridad e Inteligencia: gracias a esas leyes, Fito fue capturado hoy y está en manos del Bloque de Seguridad.
Mi reconocimiento a nuestros policías y militares que participaron en esta operación. Caerán más,…
— Daniel Noboa Azin (@DanielNoboaOk) June 25, 2025
Водачот на бандата „Лос Чонерос“ избега во јануари 2024 година од огромниот затвор во Гвајакил (југозапад), развој на настаните што предизвика бран насилство без преседан во латиноамериканската земја.
🇪🇨 #Ecuador | El ministro @JohnReimberg en su cuenta de 𝕏 informa: El Bloque de Seguridad más firme que nunca! Nuestras fuerzas del orden, con su impecable trabajo, lograron la captura de José Adolfo Macías Villamar, alias “#Fito”. Nada ni nadie está por encima de la Ley!… pic.twitter.com/7vZ3HDJokk
— Expedientes (@Expedientes_ec) June 26, 2025
Владата на претседателот Нобоа распиша награда за организаторот, нудејќи милион долари за информации што ќе доведат до негово апсење.
Шефот на државата, кој го прогласи Еквадор во состојба на „внатрешен вооружен конфликт“ поради порастот на насилството меѓу бандите, рече дека властите покренале постапка за негова екстрадиција во Соединетите Држави, каде што федералниот суд во Њујорк го бара за трговија со дрога и други кривични дела.
Во 2011 година, Хозе Адолфо Масијас беше осуден на 34 години затвор од еквадорските судови за низа кривични дела, вклучувајќи убиство и трговија со дрога.
По бегството на Фито следеше киднапирање на повеќе од 200 полицајци и припадници на затворското обезбедување, експлозии, убиство на десетици луѓе и инвазија на телевизиско студио од страна на маскирани вооружени лица за време на пренос во живо. Обвинителот кој го истражуваше вториот случај беше убиен истиот месец.
Министерството за финансии на САД воведе санкции врз бандата Лос Конерос минатата година, објаснувајќи дека е вклучена во трговија со дрога од 1990-тите и играла клучна улога во „ескалацијата на насилството“ во Еквадор од 2020 година, особено во затворите со голем вишок затвореници.
