ФОТО | Вистински шармер: Ричард Гир си размени бакнежи со 33 години помладата сопруга на Канскиот филмски фестивал
Американскиот актер Ричард Гир (74) се појави на црвениот тепих на Канскиот филмски фестивал со сопругата Алехандра Силва (41). Двојката позираше и неколку пати си размени бакнежи пред објективите на фотографите.
Препорачано
Гир присуствуваше на премиерата на својот нов филм „Ох, Канада“ („Oh, Canada“), во кој глуми со Ума Турман, Џејкоб Елорди, Мајкл Империоли и Викторија Хил.
Да потсетиме, Силва му е трета сопруга на Гир, со која тој го кажа судбоносното „да“ на тајна церемонија пред шест години.
Заедно имаат две деца. Тие во 2019 година го добија синот Александар, а една година подоцна добија и син чие име не го открија во јавноста.
Инаку, тие се запознаа во 2014 година кога актерот престојувал во хотел во сопственост на семејството на Алехандра.
Двојката неодамна го замени Холивуд за Шпанија и се пресели во Мадрид. Тие живеат во луксузна вила, а соседи им се фудбалерите Серхио Рамос и Лука Модриќ и актерката Ана Обрегон.
