ФОТО | Ужива во улогата на баба: Кралицата Ранија објави преслатка фотографија со внуката
Јорданската кралица Ранија во август стана баба и ги покажа првите фотографии со нејзината внука, а сега покажа како ужива во новата улога.
Препорачано
Нејзината внука е ќерка на принцот Хусеин и неговата сопруга принцезата Раџва, кои минатата година ги полнеа медиумите поради спектакуларната венчавка, а потоа и со најавата за бременоста на Раџва.
Принцезата Раџва ја донесе на свет Иман на 3 август, кога на официјалните профили на членовите на јорданското кралско семејство ја видовме малата принцеза во рацете на среќната баба.
А колку кралицата Ранија ужива во улогата на баба, гледаме и сега. Кралицата на својот официјален инстаграм профил сподели фотографија на која ја држи својата миленичка во раце за време на деловен состанок што го одржувала преку својот лаптоп.
View this post on Instagram
„Првиот официјален состанок на бебето Иман на Зум се одржа на почетокот на неделава!“, напиша Ранија под објавата.
Како и секогаш, јорданската кралица изгледаше беспрекорно, носеше очила со тенка црна рамка, пуштена коса и минимална шминка, а сето тоа усогласено со бела кошула.
