Таканаречен „суперќелиски“ (supercell) облак е забележан попладнево над Велес. Станува збор за тип на облак кој ги следи најсилните метеоролошки нестабилности и тој се поврзува со силен дожд и ветер, крупен град и моќни и гласни удари на молњи.

Во средини во кои се исполнети и други услови, овие ретки и опасни облачни формации можат да преминат и во торнада.

Велес попладнево беше зафатен од силно невреме – улиците се поплавени, а сообраќајот се одвива отежнато.

Фотографијата ја објави метеоролошкиот прогнозер Славчо Поповски.