ФОТО | Стилска икона во црвено: Кралицата Летиција уште еднаш покажа зошто е една од најстилски облечените жени!
Шпанската кралица Летиција повторно покажа зошто важи за една од најстилски облечените жени во светот. Таа докажа дека квалитетно одело, составено од панталони и струкирано сако, е безвременски класик и задолжителен дел од гардеробата. Самата Летиција често го избира и комбинира своето препознатливо црвено одело за различни прилики, секогаш на впечатлив начин.
Препорачано
Неодамна, кралицата беше во посета на основното училиште „Cortes de Cádiz“ во Мадрид, како дел од проектот „Размислувај еднакво“. Оваа иницијатива има за цел да промовира социо-емоционално образование кај децата од 3 до 6 години. Настанот ѝ овозможи на шпанската кралица да се запознае со успесите на наставниците и учениците, додека истовремено го покажа својот беспрекорен моден стил.
За оваа прилика, Летиција повторно го избра своето впечатливо црвено одело од брендот „Бос“, кое се состои од двојно закопчано сако и класични панталони. Оваа комбинација успева да изгледа и моќно и модерно, задржувајќи доза на удобност. Изгледот со ова одело беше забележан и на едно од најзначајните случувања за Шпанија – финалето на Светското првенство во фудбал за жени.
Кралицата првпат го носеше ова одело во Сиднеј, кога заедно со својата ќерка Софија од трибините ја поддржуваше шпанската репрезентација во историската победа над Англија со резултат 1-0. Тогаш го комбинираше со црни чизми од велур од брендот „Латуш“ и минималистички, но луксузен накит – 18-каратни обетки со дијаманти и рубини од брендот „Голд енд роузес“
Особената вредност на ова одело не е само во неговата силна црвена боја, симбол на страст и сила, туку и во контекстот во кој е носено. На финалето на Светското првенство, тоа беше симбол на поддршка за спортистките кои испишаа историја. Во училиштето „Cortes de Cádiz“, тоа носи порака за поддршка на образованието и емоционалниот развој на најмладите.
Кралицата Летиција уште еднаш покажа како модата може да се прилагоди на различни контексти, притоа потсетувајќи на вредностите што ги поддржува. Нејзината способност да рециклира облека на елегантен и промислен начин дополнително го зацврстува нејзиниот статус како една од најстилските кралски личности на денешницата.
ФОТО | Кралицата Летиција носи чанта од 47 евра: Она што е убаво не мора да биде скапо
