ФОТО | Среде грозоморните обвинувања: Диди се огласи на социјалните мрежи за првпат по неговото апсење
Музичкиот магнат и рапер Шон Комбс, познат како Диди, се појави на социјалните мрежи за првпат по неговото апсење.
Препорачано
Имено, денеска беше објавена фотографија на неговата ќерка Лав Шон, н која ѝ го честиташе роденденот.
„Среќен роденден! Тато те сака“, напиша тој.
Инаку, раперот е татко на седум деца, кои ги доби со четири жени. Тој ги има синовите Квинси (33), Џастин (30), Кристијан (26) и ќерката Шанс (18), близначките Д’Лила и Џеси (17) и најмладата ќерка Лав Шон (2), која ја доби со манекенката Дејна Тран.
Да потсетиме, Диди беше уапсен во Њујорк и е во притвор и се соочува со обвинувања дека сексуално напаѓал жени, ги терал да учествуваат во секс забави и да консумираат дрога, користејќи закани и насилство.
Во понеделникот, две жени и четворица мажи поднесоа серија нови тужби против Диди пред федералниот суд во Њујорк.
Обвиненијата опфаќаат настани што наводно се случиле од 1995 до 2021 година. Еден од тужителите изјавил дека имал 16 години кога присуствувал на една од забавите на Диди и тврди дека Комбс за време на разговорот одеднаш му наредил да се соблече.
Адвокатите на раперот ги отфрлија обвинувањата. Тие изјавија дека „Диди никогаш не злоставувал никого сексуално – ниту возрасни, ниту малолетници, ниту мажи, ниту жени“.
