Овој март ќе навршат четири години откако замина легендарниот хрватски музичар Оливер Драгојевиќ.

По тешката болест, Оливер почина во 2018 година, во Сплит. Сопругата на „морскиот волк“, Весна и понатаму тагува за својот сакан, а често и на социјалните мрежи знае да сподели емотивна објава за него, или да се присети на убави мигови од бракот со Оливер.

Така ги расплака сите фанови и пријатели на Оливер, споделувајќи ретро-фотографија, снимена на 7.март, далечната 1974 со трогателен опис:

„Ти и јас. Нашите 48 години брак“.

Многумина реагираа на објавата со тажни, но љубовни коментари, споредувајќи ја нивната љубов со вечноста.

„Вие двајца секогаш ќе бидете заедно. Таква љубов не завршува ни овде, ни сега, ни утре, бесконечна е“ – пишуваа пријателите на Весна на објавата.