Ѕвездата на реалните шоуа Скот Дисик му подари луксузен подарок на својот најстар син, Мејсон Дисик, за неговиот 15. роденден.

Имено, тој откри на социјалните мрежи дека му купил мини Мерцедес Бенц Г-класа на тинејџерот.

„Големо момче, среќен роденден! Мислам дека е сосема фер што го добиваш твојот прв автомобил од Г-класа. Иако е мини Г-класа, сепак е Г-класа. Синко, те сакам. Нека започне забавата“, напиша гордиот татко во описот на фотографијата.

На фотографиите се гледа новото возило на Мејсон паркирано во дворот на Кортни Кардашијан, опкружен со други луксузни автомобили.

„Дефинитивно, ова е најдобрата мини Г-класа што сум ја видел. Ти го заслужуваш секое парче од тоа! Те сакам повеќе од било што на светот”, додаде Дисик.

Не е познато колку чини мини Г-класа, но стандардните модели почнуваат од 148.250 долари, според официјалната веб-страница на Мерцедес.

Да потсетиме, Дисик сега е во врска со 28-годишната Сара Бауер, по раскинувањето со Клои Бартоли.

Тој започна врска со Кортни Кардашијан во 2006 година, а заедно беа повеќе од 10 години. Имаат три деца – синовите Мејсон и Рејн и ќерката Пенелопе.