Аргентинската инфлуенсерка Антонела Рокуцо го прослави својот 36. роденден во друштво на сопругот, фудбалската легенда Лионел Меси (36), и трите деца – Тијаго, Матео и Чиро.

Рокуцо сподели неколку фотографии од својата роденденска прослава, на кои се гледа како семејството позира покрај шарен аранжман со балони. Како што може да се забележи, темата на нејзината роденденска прослава била инспирирана од принцезите на „Дизни“.

„Една година постара“, напиша таа на Инстаграм.

Нивната среќа е лесно воочлива, па и самиот фудбалер објави заедничка фотографија на својот инстаграм-профил.

„Принцезо, среќен роденден! Те сакам“, напиша Меси во описот на фотографија со славеничката.

Инфлуенсерката доби голем број честитки на социјалните мрежи, каде многумина искоментираа дека Рокуцо е една од најскромните инфлуенсерки во моментов.