Наградите САГ привлекоа повеќе внимание отколку што се очекуваше, а додека славните се трудеа да бидат елегантни и софистицирани, една од нив беше малку поразлична.

Актерката Даниел Дедвајлер многумина воодушеви со својот изглед на црвениот тепих на доделувањето на наградите САГ, а исто така многумина и запрепасти. Едно е сигурно, таа беше уникатна.

Имено, убавата актерка се појави во црвен фустан од Луј Витон. Изборот падна на фустан од тул со многу чуден крој, па сите претпоставуваа дека околу нејзиното тело се крие некаква метална конструкција која држи сè.

Новинарите дури и ја прашаа дали може да седи во тој фустан.

„Не, само стоиш“, изјавила Даниел.

Својот необичен изглед го комплетираше со црвени високи потпетици и впечатливи висечки обетки, па оправдано се најде на листата на најоригинални жени на овој црвен тепих. Инаку, за изработка на овој модел биле потребни дури 400 часа работа.

Вејман и Мика, стилистите на Даниеле, рекоа за овој изглед: „Ова е толку современ, но класичен изглед и сакавме да се погрижиме накитот не само да стои сам, туку и совршено да го надополни стилот. Сложено дизајнирани со исклучителна изработка, парчињата од Лагос беа совршено дополнување на модната комбинација на Даниел“.

Инаку, Даниел беше номинирана за најдобра споредна женска улога за нејзината улога во филмот „Лекција по пијано“, но на крајот не ја освои наградата.