Трагичниот пожар во дискотеката „Пулс“ во Кочани, на 16 март 2025 година, одзеде повеќе животи и остави длабока рана кај семејствата и пријателите. Еден од жртвите беше и Ѓорѓи Ѓорѓиев, музичар и тапанар во групата ДНК, кој ја изгуби битката со огнените пламенови токму за време на настап.

Шест месеци подоцна, неговиот брат Димитар, кој има само 21 година, сѐ уште не може да ја прифати болката по загубата. Во обид да ја сочува трајната врска со него, тој одлучи да го овековечи ликот на Ѓорѓи на својата рака – преку тетоважа.

Освен портретот на својот брат, Димитар истетовирал и дел од наследството на Ѓорѓи: на неговата кожа сега стои и името на песната на ДНК – „Животе брате“, зборови што добиваат уште посилно значење по трагичниот настан. Зад ликот на Ѓорѓи, пак, е испишано и името на групата DNK, како траен потсетник на музиката и дружбата што го обележаа неговиот живот.