Турската актерка Серенај Сарикаја (31) неодамна се најде во центарот на вниманието на медиумите откако маестрално ја одигра главната улога во серијата „Благодарам, следно“ (Thank You, Next), која луѓето можат да ја гледаат на „Нетфликс“.

Главниот лик во оваа романтична комедија е Лејла Тајлан, која ја игра Серенај Сарикаја, турска актерка и модел.

Романтичната комедија во која глуми адвокатка која се навикнува на самечки живот по неочекуваниот прекин на долгогодишната врска веќе има милиони обожаватели, а најголемо внимание привлече убавата Турчинка Серенај Сарикаја која глумеше и во популарна турска серија „Семејство“, снимена во 2023 и 2024 година. Серенај покажа низ какви сè предизвици проаѓа една млада жена која бара посветена љубов во модерниот урбан свет.

Серенај е турска манекенка и актерка која е позната по бројни улоги во турски филмови и телевизиски серии.

Родена е на 1 јули 1992 година во Анкара. Извесно време живеела во Анталија. Имала седум години кога нејзините родители се развеле, по што таа пораснала со својата мајка.

Актерката од Истанбул е избрана за прва придружничка на Мис Турција во 2010 година. Завршила средно училиште за ликовни уметности во Истанбул и учествувала во натпревари и латино танци. Својот фантастичен изглед го должи на долгогодишните спортски активности. Тренерирала одбојка, кошарка и тенис.

Нејзината актерска кариера започна во 2006 година. Со текот на годините, Серенај се појави во многу филмови, серии, емисии и реклами. Неколку наслови кои вреди да се споменат се криминалната серија „Adanali“, „Fi“, театарската музичка адаптација на „Алиса во земјата на чудата“, под назив „Alice Muzikali“; филмови како „Behzat C“, „Ankara Ianziior“ и уште многу други.

Беше амбасадорка на Турција за многу познати светски брендови. Освои многу награди во Турција за нејзините улоги и претстави, вклучително и за најдобра филмска актерка на годината, најдобра театарска актерка, „Ел стајл“ актерка на годината, а во 2014 година турското издание на магазинот „ЏејКју“ ја прогласи за жена на годината.

Серенај го привлекува вниманието на јавноста и со својот љубовен живот. Беше во врска со популарниот колега Керем Бурсин, а многумина ги сметаа за најубав пар. Постојано се појавуваа заедно пред камерите и поради љубовта што ја покажуваа се шпекулираше дека нивната врска е всушност маркетиншки трик и дека раскинале кога им истекол договорот. Од друга страна, некои сметаат дека имале предбрачен договор и дека тоа била причината за раскинувањето, но двајцата не се огласија на оваа тема, а официјално не е познато зошто навистина се разделиле.

Ја поврзуваа со комичарот Џем Јилмаз, а во моментот наводно е во врска со пејачот Мерт Демир. И покрај  гласините околу тоа дека се заедно, двајцата одлучија сепак да се сакаат во тајност.

Инаку, Сарикаја е многу активна и на социјалните мрежи каде ги споделува своите достигнувања, како и фотографии од приватниот живот.