Американската актерка Никол Егерт (52), ѕвезда на популарната телевизиска серија „Чувари на плажата“ („Baywatch“), објави дека боледува од рак на дојка на почетокот од минатата година.

Меѓу другото, Егерт неодамна објави и видео на кое ја избричи косата поради целиот процес на лекување и борбата со тешката болест.

„Можеби исцелувањето не вклучува толку многу менување на себеси, туку дозволување да бидеме тоа што сме“, рече таа тогаш.

Сега актерката сподели своја фотографија од болничката соба и покажа како изгледа без својата препознатлива руса коса.

„Јајцеглава“, напиша таа во описот, шегувајќи се.

Да потсетиме, на Никол Егерт ѝ беше дијагностициран рак на дојка во декември минатата година, а веста ја сподели со јавноста еден месец подоцна.

Во интервју за списанието „Пипл“, таа изјави дека мислела дека нејзините симптоми се знаци на менопауза. Минатиот октомври, вели таа, почувствувала „страшна болка“ во левата града. Откако ја открила грутката при преглед на градите, таа веднаш отишла кај својот општ лекар.

„Беше навистина мачно и болно. Веднаш отидов кај мојот општ лекар и тој ми рече дека треба веднаш да се прегледам“, објасни Егерт.

Со мамографија и три биопсии било утврдено дека има рак на дојка во втор стадиум.

Актерката признала дека често „ја фаќа паника бидејќи знае дека ракот во неа расте со секоја секунда“, а најтешка ѝ е помислата да ги остави ќерките Дилин (25) и Киган (12).

„Дилин е возрасна, но дома имам и 12-годишна ќерка. Јас сум нејзин единствен старател, немам семејство, немам ништо“, објаснила таа.

Ѕвездата на „Чувари на плажата“: Имам рак на дојка, не требаше да направам пластична операција на градите