Украинските војници и цивили кои беа во Русија како воени заробеници – повеќето од нив од 2022 година – денес се вратија во својата татковина, како дел од договорот за размена на затвореници меѓу Москва и Киев, постигнат на 2 јуни во Истанбул меѓу двете завојувани страни.

Според објавата на украинскиот претседател Володимир Зеленски на Икс, повеќето од нив се војници заробени од руските сили на фронтовите Донецк, Мариупол, Луганск, Харков и Херсон.

Our people are home. Most of them had been held in Russian captivity since 2022.

Today, our defenders who fought for Ukraine in various regions – the Donetsk region and Mariupol, the Luhansk, Kharkiv, and Kherson regions – are coming back. These are warriors of the Armed Forces,… pic.twitter.com/HR6PCPyXGO

— Volodymyr Zelenskyy / Володимир Зеленський (@ZelenskyyUa) July 4, 2025

Мажите излегоа од автобусите видливо вознемирени, многумина „исцрпени“, но насмеани – и благодарни што успеаја да преживеат.

Според украинските обвинители, Русија убила најмалку 273 воени заробеници за време на војната.

„Размените мора да продолжат и им се заблагодарувам на сите што го обезбедуваат ова. Целта на Украина е да ги ослободи сите наши луѓе од руско заробеништво. Благодарен сум на сите што помагаат да се овозможи ова“, напиша Зеленски во Икс.

И руски воени заробеници држени во Украина се вратија во Русија, потврди министерството.

„На 4 јули, нова група руски војници се врати од територијата контролирана од режимот во Киев“, се вели во соопштението на руското Министерство за одбрана, објавувајќи видео на кое се гледаат околу 15 војници како извикуваат „Русија!“ завиткани во руски знамиња.

На 2 јуни, Киев и Москва се согласија да ги ослободат сите воени заробеници под 25 години или сериозно повредени, како и да ги вратат останките на загинатите борци, што беше единствениот опиплив резултат од преговорите во Истанбул.

Двете страни неодамна престанаа да даваат податоци за бројот на воени заробеници ослободени во овие размени.