Хрватскиот ракометар Игор Карачиќ ѝ го честиташе роденденот на својата сопруга, македонската манекенка Душица Андоновска – Карачиќ. Тој сподели нивна заедничка фотографија, а во описот ѝ посвети емотивна честитка.

„Среќен роденден на мојата животна партнерка. Продолжи да светиш вака, мила. Те сакам“, напиша 36-годишниот репрезентативец во описот на објавата. Душица му одговори во коментарите: „Мојот живот“.

Карачиќ и Андоновска се запознаа додека тој играше за македонскиот ракометен клуб Вардар. На почетокот, тие ја криеа врската од очите на јавноста, но откако беа разоткриени од страна на македонските медиуми – ракометарот ја потврди информацијата со објава на Инстаграм.

Двојката се сврши во 2020 година, а го изговорија судбоносното „да“ во 2021 година. Една година откако се венчаа во матичната служба, Игор и Душица се венчаа во Мостар. Црковната церемонија се одржа во црквата „Свети Петар и Павле“, а потоа имаа и голема свадбена прослава.