Кортни Кардашијан (44) му напиша слатка роденденска честитка на својот сопруг Тревис Баркер за неговиот 48. роденден.

„На мојот сопруг, мојата сродна душа, мојот најдобар пријател, мојот љубовник, таткото на мојот мал син, моето се… Ти посакувам најсреќен роденден. Ти ги остваруваш сите мои соништа и се чувствувам многу благословена што те имам покрај мене. Те сакам повеќе отколку што можат да опишат зборовите – засекогаш“, напиша Кардашијан во описот на фотографиите, кои, всушност, се интимни кадри од двајцата.

Тапанарот на рок групата „Блинк-182“ ѝ одговори во коментарите под објавата.

„Моја сродна душо, те сакам засекогаш“, напиша тој, но се чини дека не сите обожаватели се воодушевени од објавата.

На некои од фотографиите тие се без горниот дел од облеката, на некои, пак, музичарот ѝ ги покрива градите со рацете, па дури и ѝ ја држи раката во панталоните, што многумина го сметаат за непримерно за Инстаграм.

„Ова се фотографии што треба да си ги задржите за себе“, „Ова се најчудните труднички фотографии што некогаш сум ги видел“, „Со сите пари што ги имате, толку не можевте да направите соодветни труднички фотографии?“, „О, не. Кортни, рака во панталоните? Сериозно?“, „Добредојдовте на ‘инстапорно’“, гласат некои од коментарите.

И мајката на Кардашијан, Крис Џенер (68) му го честиташе роденденот на својот зет.

„Тревис, нека ти е среќен роденденот. Ти си толку прекрасен татко, сопруг, пријател, син и тетин. Ти благодарам што секојдневно ја усреќуваш Кортни. Те сакам и ти посакувам да имаш магичен ден“, напиша Џенер на својот инстаграм-профил.

На почетокот на овој месец, Кортни Кардашијан и Тревис Баркер го добија синот Роки 13. Кардашијан веќе ги има синовите Мејсон (13) и Рејн (8) и ќерката Пенелопе (11) со поранешниот партнер Скот Дисик. Баркер е татко на Лендон (20) и Алабама (17), кои ги има со Шана Моаклер. Тој е очув на ќерката на Моаклер, Атиана (24), која таа ја доби со нејзиниот поранешен партнер Оскар Де Ла Хоја.

Претходно овој месец, извор откри за „Ју-Ес викли“ дека ова била „најстрашната бременост која Кортни некогаш ја имала“ и дека парот бил „прилично нервозен до крајот“.

„Тревис беше покрај неа и ја поддржуваше. Тие се чувствуваат многу благословено што станаа родители и се многу благодарни што Роки 13 Баркер дојде на свет“, продолжил изворот.

Откако Роки 13 дојде на свет, родителите се многу заштитнички настроени и внимаваат кој ќе го види.