Украсувањето на ентериерот и китењето на божиќната елка за многумина е посебен ритуал за почеток на празничната сезона. Инспирација за украсување често наоѓаме кај познатите личности, кои со својата креативност внесуваат радост во своите домови.

Една од оние кои годинава воодушеви со својот празничен амбиент е актерката Анѓелка Стевиќ Жугиќ. Таа е позната по тоа што својот приватен живот го држи подалеку од очите на јавноста, но овој пат на својот инстаграм-профил ги израдува своите фанови со фотографија која дава увид во дел од нејзината семејна идила.

На сликата нејзиниот син од првиот брак Јакша нежно ја бакнува својата помлада сестра Чарна, а во позадина се издвојува прекрасната елка која ја зрачи домашната топлина и традиционалниот празничен дух.

Новогодишната елка е раскошно украсена со класични, сјајни лампиони, кои додаваат допир на елеганција, додека светилките ја зголемуваат разиграноста и веселоста на декорот.

Посебно внимание привлекуваат деталите поставени под елката – нордиски гноми со зашилени црвени капи, кои додаваат шмек на бајка, како и внимателно завиткани подароци кои симболизираат радост.