Македонскиот пејач Димитар Андоновски е познат по тоа што е голем верник во православието, па токму затоа и неговите синови, Михаил и Гаврил, носат имиња на големи светци.

Православните христијани вчера го прославија празникот посветен на светецот Архангел Михаил, а воедно и именден на сите оние кои се викаат Михаил или Михаела.

Андоновски сподели семејна фотографија, на која позираат тој, сопругата Христина, двете деца и нивниот домашен миленик, и им го честита празникот на своите следбеници.

„Кога празничниот дух ќе те најде дури и во студиото! Кога се заборавам во музиката, семејството знае каде да ме најде. Честит празник Архангел Михаил“, напиша тој.