Во њујоршкиот центар Линколн се одржа гала забавата на угледното списание „Тајм“, со фокусот на највлијателните луѓе во светот. Престижниот настан „Тајм 100“ не го пропуштија бројни познати имиња од филмската, модна и музичка индустрија, а познатите дами ја искористија пригодата да блеснат на црвениот тепих во најновите модни изданија.

Ријалити ѕвездата Ким Кардашијан ја истакна својата фигура во елегантен бел фустан со потписот на британскиот дизајнер Џон Галиано.

Актерката Салма Хајек привлече внимание со романтична глам тоалета во темно-сина боја, креација на модната куќа „Гучи“.

Добитничката на Златен глобус Џенифер Кулиџ се појави во испробана црна креација со светкави детали, која ги става нејзините занесни облини во преден план.

Младата манекенка Каја Гербер се појави во друштво на нејзиното момче, актерот Остин Батлер. Имено, 21-годишната ќерка на Синди Крафорд одбра минималистички сив фустан, од брендот Каите.

Холивудската актерка Дру Баримор ја покажа својата романтична страна со избор на бела свилена тоалета со син цветен дизајн, креација на луксузниот бренд „Оскар де ла Рента“.