Сигурно се сеќавате на принцезата која го остави сопругот преку Инстаграм? Тоа беше вест што одекна во светските медиуми.

Принцезата од Дубаи, Махра бин Мохамед бин Рашид ал Мактум, пред една година јавно го напушти сопругот Ман ал Мактум, само два месеци откако го добија првото дете. Таа ја шокираше конзервативната заедница во Обединетите Арапски Емирати, откако преку објава на Инстаграм на својот сопруг му откри дека на нивниот брак му дојде крајот.

А сега пристигна нова, овој пат добра вест. Принцезата Махра се сврши со американскиот рапер Френч Монтана, само една година откако го објави шокантниот развод.

French Montana is engaged to Dubai princess Sheikha Mahra Mohammed Rashed Al Maktoum, his rep confirmed. The …https://t.co/LtM5AJY2kW pic.twitter.com/ayO4mjaiAT

— GVS (@GVS_News) August 28, 2025

Неговото вистинско име е Карим Харбуш и е најпознат по хитот „Unforgettable“, а запросувањето на ќерката на владетелот на Дубаи, Махра бин Мохамед бин Рашид ал Мактум (31), го потврди неговиот менаџер за Ти-ем-зет.

Запросувањето се случило во текот на Модната недела во Париз во јуни оваа година, набргу откако тој за првпат прошета по модната писта.

И имал две причини за славење – успешен настап во модните води и големо „да“ од неговата поубава половина.

Инаку се шпекулираше дека раперот и принцезата се во врска од октомври минатата година, кога таа објави нивни фотографии на социјалните мрежи во текот на неговиот престој во Дубаи. Дури ова лето потврдија дека се во врска, а потоа повеќе не се криеја од фотографите, кои ги „фатија“ во Париз.

Шеика Махра се најде во центарот на вниманието во јули 2024 година поради раскинувањето на бракот со шеикот Мане бин Мохамед бин Рашид бин Мане ал Мактум и развод каков што светот никогаш порано не видел – јавно, на социјалните мрежи.

„Драг сопругу, бидејќи си зафатен со други пријателки, го објавувам нашиот развод. Се разведувам од тебе, се разведувам од тебе, се разведувам од тебе. Чувај се. Твојата поранешна сопруга“, тогаш напиша Махра.

Иако кратка и јасна, пораката на принцезата е многу очигледно полна со болка и префрлување, а јасно е инспирирана од муслиманската традиција на тројно одрекување. Оваа практика подразбира трипати по ред мажот да ѝ рече на сопругата дека се разведува од неа, со што ја разведува двојката, барем во очите на исламот.

Еден месец подоцна, таа го потврди крајот на нејзиниот брак на Инстаграм, кога објави фотографија со ќерката, со порака: „Само ние две“.

Откако го објави разводот, принцезата ги отстрани сите фотографии од својот поранешен сопруг од своите профили на социјалните мрежи, оставајќи ги само објавите поврзани со нејзината хуманитарна работа и нејзината ќерка.

Двојката се венча на 28 мај 2023 година, на традиционална исламска церемонија, со раскошен свадбен прием одржан во Дубаи следниот месец. Принцезата носеше елегантна венчаница, со скапоцени детали, проѕирни ракави во облик на наметка и впечатлив вел со нежни геометриски мотиви.

Инаку Френч Монтана претходно беше во врска со Клои Кардашијан, Иги Азаела, Руби Роуз и други.

ФОТО | Принцезата од Дубаи го остави сопругот преку Инстаграм: Драг мажу, бидејќи ти си зафатен со…