По тринаесетдневна борба со огнената стихија во средата беше целосно изгаснат пожарот на планината Серта. Две недели државните служби и населението се справуваа со пожарите кои ја зафатија државата, а најголем беше оној на планината Серта.

Поради сериозноста Србија, Црна Гора, Хрватска, Словенија, Турција и Романија испратија воздухоплови како помош во гаснењето на пожарите.

Во моментов има два активни пожари, кај село Тажево каде што гори борова шума и кај селото Матејче каде што гори нискостеблеста шума.