Сопственикот на Чимс, кој стана интернет сензација во 2019 година, сподели дека познатото куче од расата Шиба ину починало во Хонг Конг на 13-годишна возраст од леукемија.

Чимс, познат како Балце, доживеа светска слава поради неговите впечатливи фацијални експресии, кои станаа инспирација за вирални мемиња на интернет-просторот.

На кучето му беше дијагностицирана леукемија во декември минатата година. Иако оттогаш се лекуваше, Чимс починал во петокот, на 18 август.

Сопственикот на Чимс ја сподели тажната вест на социјалните медиуми, каде напиша дека неговиот миленик ја постигнал својата мисија. Тој ги замоли фановите да се потсетат на „радоста што Балце му ја донесе на светот“.

„Кучето со тркалезното насмеано лице ме поврза со вас, им помогна на многумина за време на пандемијата и донесе многу радост, но сега неговата мисија е исполнета. Верувам дека слободно трча на небото и јаде многу вкусна храна со новите пријатели“, истакна сопственикот.