Грда е сликата на Вардар која ја гледаат сите оние кои шетаат или се рекреираат по кејот. Пластични шишиња од вода, јогурт, парчиња стиропор и секакви други ѓубриња пловат по матната вода, сведоци за постапките на несовесните граѓани кои не се грижат за животната средина.

Има ли некој во државава што ќе се погрижи за Вардар? Некој што ќе ги исчисти дивите депонии по неговото течение и ќе ги казни сите кои се однесуваат неодговорно?

Глетката на Вардар не е само „грда“ туку оваа состојба е опасна и го загрозува живиот свет што живее во и покрај реката, затоа што по реката меѓу ѓубрињата, сѐ уште пловат и патки.