Поп-рок пејачката Дани Димитровска, која речиси 25 години е дел од македонската музичката сцена, сподели прекрасни вести со своите следбеници. Таа стапи во брак со својот долгогодишен партнер, поранешниот кошаркар Весел, со кого подолго време е во хармонична врска.

Весел ја запроси Дани во јуни минатата година, а пејачката тогаш со голема радост ја објави фотографијата на Инстаграм, гордо покажувајќи го свршеничкиот прстен.

Сега, пак, со краток опис на првата заедничка свадбена фотографија – „Госпоѓа и господин“, Дани ја сподели среќната вест на социјалните мрежи.

На скромната венчавката присуствуваа блиски луѓе, меѓу кои и нејзиниот син Лазар, кој пристигна од Холандија каде минатата година дипломираше на Универзитетот во Ајндховен, а годинава магистрираше.

Тој беше пресреќен дека неговата мајка е во сигурни раце.

Дани за овој специјален ден одбра бела комбинација, панталони и елегантна блуза.

Инаку, ова е втор брак на пејачката. Претходно, таа беше во брак со Јоцо, таткото на нејзиниот син Лазар, за кого секогаш зборувала со почит и благодарност. Дани откри дека и двајцата сфатиле дека подобро функционираат како пријатели, бидејќи нивното другарство започнало уште од детството.

Со насмевка и љубов во срцето, Дани влегува во ново животно поглавје, а нејзините обожаватели и посакаа најубави желби за среќа и хармонија во бракот.