Пожарот што ноќеска го зафати паркот на природата Езерани уште не стивнува иако огнот се гасне и со ер-трактор, информираат од Македонско еколошко друштво (МЕД).

Утрово од МЕД информираа дека пожарот се доближува и до насадите со јаболка.

„Ова заштитено подрачје сместено на северното езерско крајбрежје важи за едно од најзначајните подрачја за биолошка разновидност во Преспанскиот регион и во државата, дом на голем број растителни и животински видови кои во моментот се жртва на пламените јазици. Освен негативните последици врз биодиверзитетот, пожарот несомнено ќе се одрази негативно и врз целиот Преспански предел, дополнително ќе биде нарушена состојбата на Езерото, како и квалитетот на живот на локалното население! Под ризик се приватните поседи и овоштарниците од населените места кои граничат со Паркот!“ се вели во објавата на Фејсбук.

ФОТО | Гори Паркот на природата Езерани во Преспа