ФОТО | „Нема лек“ за дивиот паркинг кај Народна банка, металните столбови со месеци откорнати
За жал, седум месеци по местењето на металните столбови како физичка пречка за влез на оваа површина, ситуацијата остана непроменета, столпчињата се откорнати и искривени, а возачите на автомобилите освен тоа што користат зелена површина како бесплатен паркинг, тие, за да влезат и излезат од паркингот, „сечат“ пат на пешаците, велосипедистите и преку тротоар влегуваат и излегуваат од овој простор, попречувајќи го просторот на минувачите.
Близу зградата на Народната банка на Македонија, веднаш до пешачката патека и патеката за велосипеди, веќе подолго време досетливите скопјани користат нерегулирано земјиште како бесплатен и див паркинг, каде иако пред половина година беа поставени метални столпчиња, досега тие во два наврати беа откорнувани од страна на непознати сторители, а за овој проблем немаа одговор ниту од Општина Центар, ниту пак од Министерството за внатрешни работи.
Препорачано
На оваа локација постојано можат да се забележат десетици паркирани возила, а возачите дури успеале да направат алтернативен излез од овој паркинг, кој директно ја сече велосипедската и пешачката патека во должина на тротоарот, загрозувајќи ја безбедноста и на велосипедистите и на пешаците.
Кратко по првата објава на „Слободен печат“ за дивиот паркинг, за помалку од 24 часа имаше реакција и екипите на „Улици и патишта“ поставија десетина столпчиња во должина на тротоарот зад автобуските станици спроти „Веро Џамбо“, со цел да се затвори приодот со автомобили до овој простор.
Скопјани не го даваат дивиот паркинг кај Народна банка, ги откорнаа столпчињата да си обезбедат влез
По местењето на столпчињата, сепак граѓаните продолжија „по свое“ и најдоа начин повторно да ја „ослободат“ оваа локација за паркирање и тоа преку целосно откорнување на металните столпчиња, кои патем се цврсто зацементирани на подлогата и за нивно размонтирање е потребна навистина огромна сила, но и волја која возачите очигледно ја поседуваат. Тие започнаа да ги „откорнуваат“ столбовите од бетонската површина за да си овозможи непречен влез и излез од дивиот паркинг.
За жал, седум месеци по местењето на металните столбови како физичка пречка за влез на оваа површина, ситуацијата остана непроменета, столпчињата се откорнати и искривени, а возачите на автомобилите, освен тоа што користат зелена површина како бесплатен паркинг, за да влезат и излезат од паркингот, „сечат“ пат на пешаците, велосипедистите и преку тротоар влегуваат и излегуваат од овој простор, попречувајќи го просторот на минувачите.
Властите, пак, иако не се знае кој е „стопанот“ на ова земјиште, нема никаква реакција или иницијатива за сериозно решавање на овој проблем, регулирање на дивиот паркинг и можеби најважното, казнување на сторителите кои насилно оштетуваат јавна сопственост, односно непречено ги поместуваат и откорнуваат металните столпчиња поставени од ЈП „Улици и патишта“.
