Саша Ковачевиќ и неговата девојка Зорана Тасовац се заедно нешто повеќе од седум години, а познатиот пејач неодамна откри дека има желба да стапи во брак со убавата манекенка во 2025 година.

Тасовац веќе ја има ќерката Искра од бракот со белградскиот менаџер Богдан Срејовиќ, кој ѝ стана познат на јавноста по љубовната врска со пејачката Светлана Ражнатовиќ – Цеца.

Денеска е убав ден за Ковачевиќ и Тасовац бидејќи малечката Искра слави роденден, а пејачот ѝ посвети емотивна објава на социјалните мрежи. Имено, тој сподели забавен момент од едно нивно заедничко патување, каде се возат во автомобил и ја пејат песната „Leave the Door Open“ од дуото „Силк соник“, составено од Бруно Марс и Андерсон Пак.

„Животче мое најубаво, посакувам секогаш вака да се смееме, да си пееме и да си се сакаме. Ти си моја гордост и најдобро девојче на светот. Путеру мој, нека ти е среќен роденденот. Те сакам!“, напиша Ковачевиќ на својот инстаграм-профил.

Ковачевиќ уште пред неколку години зборуваше за тоа колку го сака девојчето и дека го смета за свое дете.

„Искра ми е ќерка, така ја доживувам од првиот момент. Не сум ѝ биолошки татко, но јас ја сметам за мое дете. Утре кога ќе имам свое, биолошко дете, Искра повторно ќе ми биде прво дете. Во последно време, често го слушам коментарот ‘Но, таа не е твое дете’. Едноставно, јас во мојот дом можам да ги нарекувам и да ги доживувам луѓето така како што сакам. А неа ја доживувам како своја. Затоа не им дозволувам на злобните луѓе да ми ‘ѕиркаат во дворот’“, вели Саша.