Париз овие денови е центарот на вниманието поради Неделата на модата, а Кајли Џенер се потруди со своето појавување да „додаде зачин“ на целиот настан. Иако сите најчесто очекуваат од неа провокативни изданија, овој пат Кајли ги изненади сите па дури и самата себе.

За ноќниот живот во Париз таа избра елегантен црн фустан со уникатни двојни прерамки кој не откри речиси ништо.

Комбинацијата ја надополни со сандали на штикла со тенки ремчиња и црнo сако, додека косата ѝ беше врзана во пунџа.

Ова е едно од ретките изданија во кои Кајли се обидела да не биде во центарот на вниманието, но тоа очигледно е невозможно кога станува збор за неа. Доволно е само да се појави  и сите погледи да бидат свртени кон неа, без разлика што носи.

Освен со модните изданија, Кајли привлекува внимание и со својот љубовен живот. Врската со актерот Тимоте Шаламе ѝ донесе дури и гнев од неговите обожаватели. Во последно време се појавија шпекулации дека парот минува низ криза, па дури и дека можеби раскинале.